Një qytetar është arrestuar dje në fshatin Slivovë të Ferizajt për përdorim të armës dhe armëmbajtje pa leje.
Rasti ka ndodhur të dielën rreth orës 17:30, ku sipas policisë i dyshuari kishte qenë së bashku me fëmijën e vëllait të tij, kur një qen endacak kishte tentuar ta sulmonte fëmijën që ishte me të dyshuarin.
Me këtë rast, i dyshuari shkon në shtëpi dhe merr pushkën e gjuetisë të cilën e kishte pa leje dhe e qëllon dy herë qenini.
“PËRDORIM I ARMËS & ARMËMBAJTJE PA LEJE /Fsh. Slivovë, Ferizaj, 22.05.2022 – 17:30. I dyshuari mashkull kosovar deri sa kishte qenë së bashku me një fëmijë te vëllait te tij para shtëpisë së tij, një qen endacak kishte tentuar që të sulmoj fëmijën. I dyshuari nga shtëpia kishte marrë një pushkë gjuetie të cilën e kishte pasur pa leje dhe kishte shtënë dy herë në drejtim të qenit të cilin e kishte vrarë. Në vendin e ngjarjes janë gjetur dy gëzhoja te fishekëve dhe nga i dyshuari është konfiskuar pushka e gjuetisë”, thuhet në njoftimin e policisë.
Pas intervistimit, me urdhër të prokurorit kujdestar, rasti procedohet në procedurë të rregullt.
