Më 15 prill është caktuar seanca konstituive e Kuvendit të ri të Kosovës, nga presidentja Vjosa Osmani.
Në këtë seancë, eksponentë të LVV-së janë shprehur goxha të bindur se do të arrihet të formohet edhe Kuvendi i ri, por edhe qeveria e re.
Mirëpo, opinionistja Aida Dërguti në Rubikon të Klan Kosovës ka thënë se kryeministrit në detyrë Albin Kurti do t’i duhen edhe “hajvanët” për formimin e qeverisë së re.
“Përveç 48 deputetëve sa i ka, do t’i duhen edhe disa të ashtuquajtur hajvanë, siç i ka emëruar vetë, që të shkojë dhe t’i marrë, sepse ai nuk e ka respektin për ta as si njerëz, e lëre më si deputetë”, u shpreh Dërguti.
Tutje, ajo tha se Kurti ka shanse që të rekrutojë edhe ndonjë deputet nga Lista Serbe.
“Mendoj që ka shanse që të rekrutojë edhe ndonjë nga Lista Serbe, mbase kjo është edhe arsyeja pse është takuar sot me Nenad Rashiqin, dikë si Adem Hoxha, pra që i thotë Ganja ‘qershitë që nuk janë bash mirë të lagura’, pra që është i Listës Serbe por është goran… e gjen njëfarë arsyetimi. Mirëpo, qeveritë me 61-2-3 deputetë janë paksa problematike në kuptimin e asaj që, po që se njëri shkon deri në tualet, bllokohet votimi”, tha Dërguti.
