Që nga themelimi i Policisë së Kosovës, janë dorëhequr 1273 zyrtarë policor. E ardhjen deri në këto statistika, Sindikata e Policisë po e konsideron si shkak i kushteve jo të mira të punës.
Madje nëse vazhdohet kështu, kryetari i kësaj sindikate, Imer Zeqiri e vlerëson këtë situatë si shqetësuese.
“Ka 4/5 vite që në Policinë e Kosovës nuk ka asnjë ndryshim, as në pagë, as në kushtet tjera t punës. Nëse vazhdohet me këto kushte dhe me mospërfillje, rrezikon, rrezikon të mbetet, nëse vazhdohet kështu neve po mbesim pa profesionista. Të gjithë ata që japin dorëheqje e kanë kriju dhe fitu një profesionalizëm mjaftë të lartë. Andaj neve po humbim edhe profesionista edhe po humbim në institucionin e sigurisë”, ka thënë ai për Tëvë1.
E trendin e largimit të policëve, po e arsyeton njohësi i çështjeve të sigurisë,Bedri Elezi.
Sipas tij ata po largohen drejt vendeve evropiane për një jetë më të mirë, derisa renditi edhe faktorët që mund ta ndalojnë këtë fenomen.
“Si ti ndërpresim këto braktisje të Policisë së Kosovës? Unë kujtoj që fillimisht duhet të zbatojmë mirë, të mirë-filloj Ligjin e PK-së, duhet meritokraci të mirë, pastaj duhet sigurimi shëndetësor, po ashtu të vendosim në rend të parë ngritjen e pagave të tyre, ngase duket që nuk janë të mira”, tha Elezi për Tëvë1
Në buxhetin për vitin e ardhshëm, Qeveria ka ndarë buxhet 1.8 milionë euro për Policinë e Kosovës. Këto mjete janë paraparë për blerjen e autoblindave dhe mjeteve të tjera të veçanta.
