Këngëtarja Shakira u vu në qendër të vëmendjes së mediave të huaja për vendosjen e një kukulle shtrige në ballkonin e saj, përballë shtëpisë ku jeton ish-vjehrra e saj.
Ky veprim i artistes ngjalli kuriozitet në publik, ku shumë fansa dëshironin të mësonin arsyen e këtij gjesti. Pas disa thashethemeve rreth kësaj çështjeje, nga mediat e huaja është zbuluar se Shakira e vendosi kukullën si një akt hakmarrjeje.
Konkretisht e përditshmja spanjolle Marca, bën me dije se nëna e ish-partnerit të saj Gerard Pique-s dhe partnerja e tij aktuale Clara Chia Marti i kanë vënë nofkën Shakirës “shtriga”.
Artistja kolumbiane, e cila u informua për pseudonimin nga fëmijët e saj, vendosi të përgjigjet duke vendosur objektin specifik në ballkonin e saj, duke u treguar të dyja grave se ajo është në dijeni për epitetin e vënë.
Megjithatë, kjo nuk është hera e parë që Shakira përfshihet në një mosmarrëveshje me familjen e ish-partnerit të saj. Në fakt mes fqinjëve ka pasur jo pak probleme, si muzika e lartë dhe gardhi që është ngritur mes pronave.
Teksa arsyet pas grindjes familjare të Shakirës dhe Pique janë të paqarta, është tashmë e qartë se tensionet mes tyre janë të larta.
