Presidentja e Kosovës, Justina Shiroka Pula, ka uruar Ditën e Alfabetit të Gjuhës Shqipe, duke theksuar rëndësinë e tij në ruajtjen e identitetit kombëtar dhe të gjuhës shqipe.
Në mesazhin e saj, Presidentja ka kujtuar 50 delegatët nga 26 qytete, shoqata dhe klube shqiptare, të cilët u bashkuan në Kongresin e Manastirit më 1908 për të unifikuar alfabetin e gjuhës shqipe.
Ajo ka theksuar se lufta për liri ishte edhe luftë për të drejtën e përdorimit të lirë të gjuhës shqipe.
Presidentja Shiroka Pula ka vënë në pah përgjegjësinë për ruajtjen, pasurimin dhe përcjelljen e kësaj trashëgimie te brezat e rinj.
“Gëzuar Ditën e Alfabetit të Gjuhës Shqipe!”, ka përfunduar mesazhin e saj Presidentja.
Postimi i plotë:
Mesazhi i Presidentes Shiroka Pula për Ditën e Alfabetit të Gjuhës Shqipe
Alfabeti i gjuhës shqipe është dëshmi e qëndresës sonë dhe e përpjekjes për ruajtjen e identitetit kombëtar.
Lufta jonë për liri u bë edhe për gjuhën shqipe, për të drejtën për ta folur dhe shkruar atë lirshëm.
Sot, kujtojmë me respekt dhe mirënjohje 50 delegatët nga 26 qytete, shoqata dhe klube shqiptare, të cilët në Kongresin e Manastirit, më 1908, u bashkuan për një nga vlerat themelore të identitetit tonë kombëtar, gjuhën shqipe.
Përgjegjësia jonë është ta ruajmë, ta pasurojmë dhe t’ua përcjellim brezave këtë trashëgimi me dinjitet dhe përkushtim.
Ajo është trashëgimia jonë e përbashkët dhe një nga dëshmitë më të fuqishme të qëndresës sonë ndër shekuj.
Gëzuar Ditën e Alfabetit të Gjuhës Shqipe!





