- Advertisement -
Policia e Kosovës para pak minutash përmes një njoftimi ka kërkuar bashkëpunim për identifikim të dy personave të dyshuar për dy raste të ndara të vjedhjeve të rënda që kanë ndodhur në Prishtinë.
Sektori i hetimeve të Kryeqytetit, me autorizime nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi.
Policia bën apel te qytetarët që për çdo informacion në lidhje me të dyshuarit të kontaktojnë në numrin e telefonit: 192.
