Peruja mbyll për një kohë të pacaktuar zonën e famshme turistike Machu Picchu për shkak të protestave

Peruja ka mbyllur zonën e saj të famshme turistike Machu Picchu për një kohë të pacaktuar për shkak të protestave të vazhdueshme kundër presidentit të vendit.

Qeveria tha se mori vendimin për të mbrojtur turistët dhe qytetarët e saj.

Qindra njerëz, kryesisht të huaj, mendohet se aktualisht janë të bllokuar në këmbët e zonës.

Sipas mediave të huaja, transmeton Telegrafi, disa njerëz janë vrarë gjatë muajve të protestave të dhunshme, të cilat filluan pasi lideri i mëparshëm u rrëzua.

Demonstruesit po kërkojnë zgjedhje të reja dhe kërkojnë që presidentja e re Dina Boluarte të largohet, gjë që ajo deri më tani ka refuzuar ta bëjë.

Në përplasjet e fundit, rrugët u bllokuan dhe policia hodhi gaz lotsjellës ndaj demonstruesve që hidhnin gurë në kryeqytetin, Lima.