Përqafimi që preku të gjithë, Elijona pranë vëllait në nderim të nënës dhe motrës

Në ceremoninë e zbulimit të pllakës përkujtimore në Sllavonski Brod të Kroacisë, ku u nderuan dhjetë viktimat e aksidentit tragjik të vitit 2021, finalistja e “Big Brother VIP Kosova”, Elijona Binakaj, u pa e emocionuar pranë vëllait të saj.

Elijona dhe vëllai i saj përjetuan momente të dhimbshme gjatë ceremonisë, teksa kujtuan nënën dhe motrën e tyre, të cilat humbën jetën në aksidentin tragjik rrugor më 25 korrik 2021.

Në pamjet nga ceremonia, dyshja shihen të përqafuar pranë pllakës përkujtimore, në një moment të mbushur me emocione dhe dhimbje për humbjen e dy familjarëve të tyre.