Madonna tërhoqi gjithë vëmendjen në sfilatën e Saint Laurent gjatë Javës së Modës për meshkuj në Paris, të martën, duke u shfaqur me një fustan të shkurtër me dantella të kuqe dhe taka rozë.
Ikona e muzikës pop, 67 vjeçe, u ul në rreshtin e parë të të ftuarve së bashku me emra të njohur si Kate Moss, Rami Malek, Charli XCX dhe Austin Butler në ambientet e Bourse de Commerce.
Gjatë eventit, Madonna u pa duke shkëmbyer një përqafim të ngrohtë me Charli XCX, e cila gjithashtu kishte zgjedhur një veshje të kuqe tërheqëse.
Së fundmi, Madonna ka folur hapur për sfidat familjare dhe humbjet që kanë ndikuar në jetën e saj. Në një intervistë për revistën Interview, ajo zbuloi se albumi i saj i ri, Confessions II, është frymëzuar nga vdekja e vëllait të saj, Christopher Ciccone, dhe njerkës së saj, Joan Ciccone.
Këngëtarja la të kuptohej gjithashtu se marrëdhënia me vajzën e saj të madhe, Lourdes Leon, ka kaluar nëpër periudha të vështira.
