Ka ndërruar jetë veterani i sportit, Taip Zeqa.
Me këtë rast, presidenti i Federatës së Futbollit të Kosovës (FFK), Agim Ademi, ka ngushëlluar familjen Zeqa dhe komunitetin e fundit.
Telegram ngushëllimi i plotë i Ademit:
E nderuara familje Zeqa
Me dhimbje të thellë morëm lajmin për ndarjen nga jeta të më të dashurit tuaj, Taib Zeqa, andaj më lejoni që në emrin tim, në emër të Federatës së Futbollit të Kosovës dhe tërë komunitetit të futbollit, të ju shpreh ngushëllimet më të sinqerta për këtë humbje të madhe.
Taibi dha kontribut të jashtëzakonshëm për futbollin në Shtime dhe në regjionin e Ferizajt në përgjithësi, si para ashtu edhe pas luftës. Ai ishte pjesë e rëndësishme e rrugëtimit të KF Vjosa, KF Ferizaj dhe KF Çeliku.
Taibi do të mbetet gjithmonë në kujtesën tonë për kontributin e tij të shkëlqyer, por edhe për urtësinë dhe virtytet që pati gjatë rrugëtimit të tij sportiv.
I lehtë i qoftë dheu i Kosovës!
Me respekt,
Agim Ademi, President i FFK-së
