Rrjeti ballkanik i lajmeve “N1” ka mësuar nga “burime të mirëinformuara ndërkombëtare” se Perëndimi “ka humbur durimin” me Milorad Dodik, Presidentn ultranacionalist të Republika Srpska-s, dhe se veçse kanë nisur bisedimet për “largimin e tij nga zyra dhe nga aktiviteti politik”.
“Për herë të parë, vendet udhëheqëse të Perëndimit kanë filluar seriozisht të zhvillojnë skenarë se si mund të dukej entiteti Republika Srpska (RS) i Bosnjës pa Presidentin aktual të entitetit Milorad Dodik, gjë që është një shenjë e qartë e mbështetjes për largimin Dodik nga zyra dhe ndalimi i tij nga aktiviteti politik, mësoi N1 nga burime të mirëinformuara ndërkombëtare”, shkruan N1.
Kjo media thotë se Përfaqësuesi i Lartë ndërkombëtar për BeH, Christian Schimt, “ka mbështetjen e plotë perëndimore” për rritjen e presionit ndaj Dodikut dhe në atë që “mund ta heq nga jeta politike”.
“Dhe mënyra e vetme për të parandaluar që kjo të ndodhë është që Presidenti i RS dhe kreu i Aleancës së Social Demokratëve të Pavarur (SNSD) të ndalojnë urgjentisht të gjitha aktivitetet antishtetërore”, thuhet më tej.
“Pas vitesh që i dhanë atij hapësirë dhe kohë për të ndaluar aktet secesioniste dhe për të minuar rendin kushtetues dhe ligjor të Bosnjë-Hercegovinës, rrethi i Dodikut më në fund po shtrëngohet. Shtetet e Bashkuara, Britania e Madhe, Gjermania, Franca dhe Italia po humbasin durimin. Tani, për herë të parë, ata janë të bashkuar në mendimin se Dodik ka kaluar vijën e kuqe dhe se lëvizjet e tij antikushtetuese nuk mund të mbeten pa u ndëshkuar, sepse me veprimet e tij të paarsyeshme dhe të rrezikshme kërcënon paqen dhe strukturën e Dejtonit të BeH-së, burime diplomatike pranë fuqive perëndimore i thanë N1”.
“Ndërsa Uashingtoni, Londra, Berlini, Parisi dhe Roma zyrtare, përfaqësuesit e të cilëve punojnë së bashku brenda QUINT-it, janë pjekur në besimin se sanksionet e miratuara më parë amerikane dhe britanike kundër Dodik nuk ndaluan përpjekjet e tij për të përmbysur shtetin dhe se një fazë e re duhet të fillojë një veprim më i drejtpërdrejtë me qëllim të ruajtjes së integritetit territorial dhe Kushtetutës së BeH, Brukseli është ende në mëdyshje dhe nuk ka një qëndrim të qartë. Bashkimi Evropian nuk vendosi sanksione ndaj Dodikut, sipas shembullit të SHBA-ve dhe Britanisë së Madhe, për shkak të mosmarrëveshjeve të brendshme, dhe mbizotëron mendimi tek burokratët e Brukselit se çdo vendim i ri i Përfaqësuesit të Lartë e largon Bosnjën dhe Hercegovinën nga anëtarësimi në Bashkimi Europian”, shkruan më tej N1.
