Ministri i Financave, Hekuran Murati, ka paralajmëruar një iniciativë të re të qeverisë që synon krijimin e deri në dy mijë vende të reja pune në veri të vendit.
Murati tha se kjo do të mbështetet përmes subvencionimit të pagave për punëtorët si për bizneset e reja ashtu edhe ato ekzistuese në katër komunat në veri.
Postimi i Muratit:
“Me rivendosjen e rendit dhe ligjit në katër komunat veriore të vendit, tani po shohim dita ditës edhe hapjen e bizneseve të reja dhe shtimin e aktivitetit afarist në atë pjesë.
Qeveria po mbështetë të gjitha bizneset e reja dhe ato ekzistuese në katër komunat në veri për hapjen e deri në dymijë vende të reja pune, përmes subvencionimit të pagës për punëtorët.
Për më shumë informata, mjafton të drejtoheni tek zyrat e Agjencisë së Punësimit që tashmë gjenden edhe në hapësirat e objekteve komunale.” – tha ai.
