19 C
New York
Friday, April 4, 2025

Buy now

Mosparaqitja në Prokurorinë Speciale: A u dënua Albin Kurti me 250 euro, siç e do ligji?

- Advertisement -

Po bëhen gati 4 muaj që kur Prokuroria Speciale i ka dërguar ftesën kryeministrit në detyrë, Albin Kurtit që të paraqitet për intervistim si dëshmitar për rastin e rezervave shtetërore. Katër ftesa për katër muaj, por Kurti ende nuk është paraqitur për intervistim. Dhe siç e do ligji, për këto veprime kryeminsitri Kurti do të duhej të dënohej, shkruan Periskopi.

Derisa Kurti po heziton të respektojë institucionet e drejtësisë në Kosovë, atij me nenin 132 të kodit të procdurës Penale të Kosovës do të duhej t’i shqiptohej gjoba prej 250 euro. Por nuk dihet nëse ky veprim është marrë nga Gjykata Themelore, e cila as vetë ende nuk është deklaruar nëse kjo masë i është shqiptuar kreut të qeverisë në detyrë.

Për Periskopin, avokati kosovar Xhevdet Smakiqi tha se Kurti po fshehet pas karriges së kryeminsitrit dhe nëse dështon të zbarohet neni 132 i kodit të procedurës penale, atëherë Republika e Kosovës “është Republike diktatoriale në rrezik për secilin qytetarë”

“Në rastin e dëshmitarit refuzues në ftesat e PSRK-së dhe Urdhërit të Gjyqtarit të Procedurës Paraprake që ia kishte lëshuar para disa jave Albin Kurtit, detyrimisht duhet zbatuar neni 132 i Kodit të Procedurës Penale të Republikës së Kosovës, ashtuqë t’i shqiptohet gjoba prej 250€, ndërsa të shikohet se a e ka paguar gjobën dëshmitari Albin Kurti në gjirollogarinë KGJK-së, fond që shkon në buxhetin e Republikës së Kosovës”, tha Smakiqi për Periskopin.

“Vlerësojmë se Abin Kurti duke u fshehur pas karriges së Kryeministrit dhe votave qytetare e ka detyruar për herë të parë në vitet e pavarësisë së Kosovës sfidimin e sistemit të drejtësisë ku gjenë zbatim neni 132 i KPPRK-së.Nëse dështon të zbatohet neni 132 ndaj Albin Kurtit, konsiderojmë se Republika e Kosovës me nuk është Republikë Parlamentar, por është Republikë diktatoriale në rrezik për secilin qytetar dhe për vet gjyqtarët dhe prokurorët”, shtoi tutje ai.

Çka tha Kurti e çka Prokuroria Speciale për intervistimin e kryeministrit të Kosovës?

Kurti vazhdimisht ka insistuar që të intervistohet në zyren e Kryeministrit, madje nga zyra e tij patën deklaruar se kjo çështje është ‘politizuar’.

“Gatishmëria dhe vullneti për të dhënë dëshmi është ofruar në disa raste dhe në kohë të ndryshme në Zyrën e Kryeministrit. Në të gjitha demokracitë e zhvilluara, përfshirë ShBA-në dhe Francën, është praktikë standarde që zyrtarët e lartë të shtetit të dëshmojnë nga zyrat e tyre, për të ruajtur diskrecionin dhe për të shmangur politizimin e proceseve ligjore. I njëjti parim është zbatuar edhe në Kosovë, së paku në rastin e dy ish-kryeministrave dhe madje te zëvendëskryeministri aktual!”, thuhej në reagimin e Qeverisë.

Pasi Kurti nuk iu shkoi në zyre, Prokuroria Speciale kishte dal me një reagim, duke thënë se “do të veproj duke respektuar legjislacionin në fuqi”.

“Prokuroria Speciale e Republikës së Kosovës, pas interesimit të shumë gazetarëve, informon se dëshmitari A.K. nuk është paraqitur në Prokurorinë Speciale për të dhënë dëshminë e tij edhe përkundër faktit se i njëjti ka qenë i obliguar me Urdhër të Gjykatës Themelore në Prishtinë që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës.

Prokuroria Speciale e Republikës së Kosovës edhe në këtë rast penal, sikurse në të gjitha rastet tjera do të veproj duke respektuar legjislacionin në fuqi”, sipas njoftimit zyrtar

Imazh i keq për Kosovën – Refuzimi i Kurtit për të shkuar në Prokurori u bë kryetemë në mediat ndërkombëtare

Kryeminsitri në detyrë Albin Kurti i ka mbushur ballinat e mediave prestigjioze se qysh po e refuzon Prokurorinë Speciale, e cila e ka ftuar ta intervistojë si dëshmitar për skandalin me rezerva shtetërore.

Është agjencia e lajmeve Associated Press ajo që ka raportuar për këtë refuzim, duke e sqaruar në pika të shkurta rastin.

“Kurti, i cili fillimisht u ftua në dhjetor dhe refuzoi, ka kërkuar që dëshminë ta japë në zyrën e tij. Ai nuk është i akuzuar në këtë rast, por zyrtarë tjerë po. Pak detaje janë bërë publike”, ka raportuar AP.

Agjencia më tej e citon Kurtin të ketë thënë se kërkesën e prokurorisë e konsideron si të motivuar politikisht.

“Po e përdorë dhe keqpërdorë lirinë e saj për të luftuar qeverinë, jo krimin e korrupsionin. Gjithmonë kam qenë i gatshëm të dëshmoj”, u ka thënë Kurti gazetarëve, sipas AP.

“Kryeministri i Kosovës refuzon përsëri të dëshmoj në Prokurori për një rast të korrupsionit” – thuhet në titullin e “Washington Post” .

Të njëjtin titull e patën edhe mediat tjera të njohura si “Independent”, “Yahoo News” dhe “Times Union”.

Kurse “Deutsche Welle” në versionin shqip në titull shkruante “Kosovë: Kurti nuk paraqitet në Prokurori”./Periskopi

Të ngjashme

122,026FansaPëlqeje
12,000NdjekësitNdjek

Të fundit