Një aksident trafiku me fatalitet ka ndodhur sot në fshatin Jasiq të Junikut, ku ka humbur jetën vozitësi i një katërçiklete.
Zëdhënësi i policisë për rajonin e Pejës, Driton Rugova, ka bërë të ditur se policia është njoftuar për aksidentin rreth orës 13:40.
“Policia është njoftuar për një aksident trafiku i cili ka ndodhur në fshatin Jasiq-Junik. Në këtë aksident ishte e përfshirë një katërçikletë”, tha Rugova, për IndeksOnline.
Si pasojë e aksidentit, vozitësi i katërçikletës ka ndërruar jetë në vendin e ngjarjes. Vdekjen e tij e ka konstatuar ekipi mjekësor.
Në vendin e aksidentit kanë dalë njësitet relevante të Policisë, si dhe prokurori i shtetit.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore, për obduksion.
Policia po merret me rastin dhe hetimin e rrethanave të aksidentit
