Ministrja e Punëve të Jashtme e Kosovës, Donika Gërvalla-Schwarz, ka udhëtuar për në Shtetet e Bashkuara të Amerikës në tentativë për të realizuar takime me zyrtarë të lartë ndërkombëtarë.
Ajo ka qëndruar për dy ditë në Washington DC, duke mos arritur të realizojë as edhe një takim të vetëm diplomatik.
Në këto dy ditë, ministrja Gërvalla-Schwarz ka qëndruar në një hotel, ndërsa burimet konfirmojnë se nuk ka pasur asnjë angazhim nga institucione të larta amerikane për ta pritur.
Lidhur mbi këtë zhvillim për të marrë një qëndrim konkret, klankosova.tv, ka provuar të marrë një përgjigjie nga kryediplomatja për më shumë detaje, por deri në këto momente nuk ka arritur asgjë në redaksi.
Fotografitë që dëshmojnë vizitën e saj në Amerikë janë parë të publikuara nga djali i Rexhep Gjergjit, këshilltarit të ministres, duke e shoqëruar në këtë udhëtim, madje edhe në një ambient e atmosferë të veçantë, por pa rezultate të prekshme në nivelin diplomatik.
Se ministrja Gërvalla nuk ishte në Kosovë, e dëshmon edhe mungesa e saj në ceremonitë përkujtimore dedikuar presidentit të ndjerë, Ibrahim Rugova.
Ajo postoi në llogarinë e saj në Instagram, një videostorje, ku shihet Faton Peci me bashkëpartiakë të Guxo, por jo dhe vet ajo.
