Lionel Messi ka vendosur të qëndrojë në Argjentinë për një periudhë të pacaktuar, pas humbjes së babait të tij, Jorge Messi.
Ylli argjentinas dëshiron të kalojë kohë pranë familjes së tij në këtë periudhë të vështirë, ndërsa aktualisht nuk ka një datë të caktuar për rikthimin e tij në Shtetet e Bashkuara.
Sipas raportimeve të “Doble Amarilla”, nuk dihet se kur Messi do t’i bashkohet sërish Inter Miamit dhe, rrjedhimisht, kur do të rikthehet të luajë për klubin amerikan.
Messi ka munguar në ndeshjen e fundit të Inter Miamit pas lajmit të rëndë për ndarjen nga jeta të babait të tij, Jorge, i cili u nda nga jeta në moshën 68-vjeçare pas një beteje të gjatë me probleme shëndetësore.
Për momentin, prioriteti i kapitenit të Argjentinës është familja, ndërsa rikthimi i tij në fushë mbetet në pikëpyetje.
