Gazetari Lirim Mehmetaj ka reaguar për përplasjen mes kryeministrit, Albin Kurti dhe presidentes, Vjosa Osmani, ku këtë të fundit e ka krahasur me Ismet Hebibin ish-kandidat për president.
Mehmetaj ka thënë se përplasja mes tyre po bëhet për shkak që kryeministrit, Albin Kurti e ka parë se nuk i duhet më presidentja Vjosa Osmani, për arsye të humbjes së elektroatit.
“Albin Kurti e ka parë që më nuk i duhet Vjosa Osmani. Lista Guxo në sondazhe del, në rastin më të mirë, 1%, elektoratin e Osmanit e ka gllabëruar Kurti. Njerëzit, si Gërvalla e Peci, edhe këta ushujza të pushtetit, ia ka marrë.” – ka shkruar ai.
Më tej, ai ka propozuar që përplasja mes tyre të përcjellet vetëm për “argëtim personal”.
Shkrimi i tij:
Vjosa Osmani si Ismet Hebibi
Albin Kurti e ka parë që më nuk i duhet Vjosa Osmani. Lista Guxo në sondazhe del, në rastin më të mirë, 1%, elektoratin e Osmanit e ka gllabëruar Kurti. Njerëzit, si Gërvalla e Peci, edhe këta ushujza të pushtetit, ia ka marrë.
Vjosa Osmani e ka parë që Kurti nuk e ka ndërmend ta rizgjedhë presidente.
Kaq ka kjo situatë, çështje e ndytë pushteti dhe asgjë tjetër.
Këta edhe i përmirësojnë raportet prapë, nëse kalkulimet e ngushta ua nxjerrin si veprim më i favorshëm.
