Më 12 korrik festë madhështore për kontributin e diasporës në çlirimin e Kosovës

Ministrja e Punëve të Jashtme dhe Diasporës, Donika Gërvalla ka bërë të ditur se më 12 korrik do të organizohet festë e madhe në nder të kontributit të mërgatës sonë në çlirimin e Kosovës.

Kështu u shpreh ministrja në një postim në Facebook, ku edhe i falënderon diasporën.

“Faleminderit Mërgatë! Më 12 Korrik, nga ora 18:00 deri në 23:00, në Prishtinë, MPJD organizon festë madhështore në shenjë falënderimi dhe mirënjohjeje për kontributin e jashtëzakonshëm të mërgatës sonë në çlirimin e Kosovës. Ju mirëpresim!”, ka shkruar Gërvalla.