Përbërja e re e Kuvendit të Maqedonisë së Veriut do të ketë 30 deputetë shqiptarë.
Siç raporton Klan Macedonia, ata ata vijnë nga koalicionet Fronti Europian, VLEN dhe një nga LSDM.
Më së shumti shqiptarë vijnë nga zona zgjedhore gjashtë.
Këtu, listës së Frontit Europian së cilës i priu Ali Ahmeti, deputetë u zgjodhën edhe Talat Xhaferi, Ilire Dauti, Menduh Thaçi, Rina Ajdari, Ilir Demiri, Fatmire Isaki.
Nga VLEN, listës të së cilës i priu Bilall Kasami, deputetë u zgjodhën edhe Bekim Qoku, Mimoza Musa, Halil Snopçe, Fatmir Limani, Saranda Imeri-Stafai dhe Sadik Suleimani.
Në njësinë zgjedhore pesë, ku bartës liste ishte Ziadin Sela nga Fronti Europian, deputetë u zgjodhën edhe Musa Xhaferi dhe Arbana Pasholli.
Në këtë njësi, VLEN siguroi vetëm një mandat, dhe deputetë do të jetë Salim Sulejmani.
E në zonën dy Fronti mori katër deputetë – Sadulla Duraku, Skender Rexhepi-Zejd, Dijana Toska dhe Elmi Aziri.
VLEN tre deputetë: Afrim Gashi, Rijad Shaqiri dhe Merita Koxhaxhiku. Nga njësia zgjedhore 2, deputet u zgjodh edhe Fatmir Bytyqi nga lista e LSDM-së.
Në zonën zgjedhore një, nga lista e Fronti Europian deputetë bëhen Blerim Bexheti dhe Ilir Hasani. Këtu emrat mund të ndryshojnë nëse Bexheti vendos që të qëndrojë kryetar i Sarajit, por edhe pas tyre në listë qëndrojnë 2 shqiptarë. E sa i përket VLEN, nga njësia dy, deputetë u zgjodhën – Izet Mexhiti dhe Bekim Sali.
Në njësinë zgjedhore katër dhe tre, ndonëse kishin kandidatë për deputetë, koalicioni VLEN dhe Fronti Europian nuk arritën të marrin asnjë mandat.
