Malisheva ka marrë një fitore të madhe ndaj Drenicës, e cila ia siguron një kualifikim në garat evropiane, për sezonin e tretë radhazi.
Skuadra që drejtohet nga Bylbyl Sokoli e ka mposhtur Drenicën e Tomas Brdaricit me rezultat të thellë prej 4-1.
Serinë e golave, Malisheva e hapi në pjesën e dytë, me anë të Assane Diata, në minutën e 67-të.
Të dytin e shënoi Arlind Veliu në minutën e 85-të, derisa disa sekonda më vonë, Diatta shënoi për 3-0.
Xhemajl Ibishi shënoi dy minuta më vonë për 4-0.
Drenica shënoi në sekondat e fundit të ndeshjes, golin ngushëllues.
Me këtë fitore, Malisheva shkon në kuotën e 56 pikëve në vendin e tretë në tabelë.
Ndërkohë, Drenica mbetet e shtata me 44 pikë, një pikë më shumë se Llapi që është në pozitën e tetë, atë të barazhit.
