Lushi: Kush thotë se vetëm NATO e ka çliruar Kosovën, shkel në gjakun e mbi 3 mijë dëshmorëve të UÇK-së

Veprimtari Uk Lushi ka kritikuar ata që mendojnë se vetëm NATO e ka çliruar Kosovën.

Në 24-vjetorin e çlirimit të Kosovës, ai ka thënë se kush mendon kështu ka shkelur mbi gjakun e mbi 3 000 ushtarëve të vrarë të UÇK-së dhe 10 000 viktimave tjera shqiptare.

Sipas tij, pa luftën e UÇK-së dhe sakrificën e popullit Kosova nuk do të ishte e lirë.

“Kushdo që thotë që vetëm NATO e ka çliruar Kosovën dhe falënderon vetëm NATO-n, le ta dijë, shkel në gjakun e mbi 3000 ushtarëve të vrarë të UÇK-së dhe 10, 000 viktimave tjera shqiptare. Pa luftën e UÇK-së dhe sakrificën shqiptare Kosova nuk do te ishte e lirë dhe NATO nuk do te ishte në Kosovë. E verteta nuk ndryshohet nga narracionet. Urime Dita e Çlirimit dhe të Vërtetës!”, ka shkruar Lushi.