I dërguari special i Bashkimit Evropian për dialogun Kosovë-Serbi, Miroslav Lajçak i ka falënderuar kryenegociatorët për marrëveshjen që u arrit sonte për targat në Bruksel.
Ai, gjithashtu, ka falënderuar edhe Departamentin amerikan të Shtetit dhe diplomacinë amerikane, siç ka shkruar ai, për mbështetjen e parezervë.
“Falënderimet e mia sonte shkojnë të Besnik Bislimi dhe Petar Petkoviq, për qasjen e tyre konstruktive sot. Dhe një falënderim i madh shkon te Departamenti i Shtetit dhe diplomacia amerikane për mbështetjen e tyre të parezervë”, ka shkruar ai në Twitter.
Në thelb të marrëveshjes së arritur sonte është që Serbia të ndalojë së prodhuari targa me denominime të qyteteve të Kosovës, ndërkaq Kosova t’i suspendojë gjobat që do të zbatoheshin nga dita e nesërme.
