- Advertisement -
Partia Laburiste ka siguruar shumicë të madhe të votave në zgjedhjet parlamentare të Britanisë, sipas një “exit poll”-i që u publikua menjëherë pas mbylljes së vendvotimeve, në natën e së enjtes.
Sipas këtij sondazhi, udhëheqësi i Laburistëve, Keir Starmer, do të jetë kryeministri i ardhshëm britanik. Partia e tij, pritet t’i ketë 410 vende në Parlamentin britanik, që përbëhet prej 650 vendesh.
Konservatorët e kryeministrit Rishi Sunak, të cilët ndodhen në pushtet që nga viti 2010, pritet t’i kenë 131 vende në përbërjen e ardhshme të Parlamentit, sipas sondazhit.
