Kuvendi i LDK’së në prag të nisjes së votimit për shkarkimin e Abdixhikut, rreth 330 delegatë të pranishëm

Lidhja Demokratike e Kosovës është duke mbajtur punimet e Kuvendit të Jashtëzakonshëm, ku do të vendoset për fatin e Lumir Abdixhikut.

Brenda Kuvendit po bëhen tashmë përgatitjet për votim. Në dy kutitë e votimit të vendosura brenda sallës, pritet të votojnë 329 delegatë që po marrin pjesë në mbledhje.

Për t’u miratuar në Kuvend kërkesa për shkarkim, duhet të votojnë shumica e delegatëve të pranishëm në sallë. Nënshkrimet për thirrjen e Kuvendit i kanë dhënë rreth 150 delegatë.