Kryeministri në detyrë i Kosovës, Albin Kurti ka thënë se anëtarësimi i Kosovës në Bashkimin Evropian është qëllimi dhe e ardhmja e Kosovës.
Ai në takimin që ka zhvilluar me drejtoren për Zgjerim dhe Fqinjësi të Bashkimit Evropian për Ballkanin Perëndimor, Valentina Superti, në vizitën e saj të parë në Kosovës, ka thënë se vullneti i popullit për anëtarësim duhet të merr përgjigje nga BE me pranim.
“Bashkimi Evropian është kontribuues i madh në zhvillimin e Republikës sonë, ndërsa anëtarësimi është qëllimi dhe e ardhmja e Kosovës. Vullnetit të popullit tonë për anëtarësim, BE-ja duhet t’i përgjigjet me vullnet të ndërsjellë për pranim. Statusi i vendit kandidat dhe hapja e negociatave, janë pikënisje e një procesi nga i cili Kosova forcon demokracinë dhe zhvillohet edhe më shumë”, ka shkruar Kurti në Facebook.
Në takim biseduam për Planin e Rritjes, integrimin në zonën “Roam Like at Home”, Procesin e Berlinit, bashkëpunimin rajonal dhe përfaqësimin e barabartë, sikurse edhe infrastrukturën, tregtinë, digjitalizimin e arsimin.
