10.5 C
New York
Thursday, April 18, 2024

Buy now

Kupchan: Anëtarësimi i Kosovës në KiE, hap i rëndësishëm

- Advertisement -

Ndonëse kanë mbetur edhe disa për t’u bërë pjesë e këtij trupi, njohësit e Marrëdhënieve Ndërkombëtare po vlerësojnë se Kosova po e ngrit pozitën e saj brenda Bashkimit Evropian.

Profesori universitar në Georgtown University të Washingtonit, Charles Kupchan, për Tëvë1 deklaron se veprimet e Serbisë për tu larguar nga kjo organizatë, janë në të mirën e kryeministrit, Albin Kurti.

“Mendoj që do të jetë një hap para dhe që do të ndihmojë Kosovën të adresojë çështjet e të drejtave njerëzore dhe të ngrit pozitën e saj brenda BE-së dhe komunitetit dhe familjes së demokracisë evropiane. Nuk e dimë saktë se si do të reagojë Serbia. Presidenti Vuçiç e përmendi që ai mund të largohet, ta largojë Serbinë nga Këshilli i Evropës, dhe ky është problemi i Serbisë. Por unë mendoj që ky është një zhvillim pozitiv, dhe besoj që ishte një lëvizje e rëndësishme për z. Kurtin”, ka deklaruar ai.

Kupchan, e sheh të nevojshme tashmë edhe normalizimin midis dy vendeve, Kosovës dhe Serbisë, sipas tij, Kosova pati përkrahje të madhe për tu bërë pjesë në KiE.

“Ky lloj hapi para është saktësisht iniciativa që Kosova duhet të merr, jo vetëm që të pranohet në Këshillin e Evropës, por përfundimisht të normalizojë marrëdhëniet me Serbinë, dhe t’i bashkohet Bashkimit Evropian. E dini që ka vota në Këshillin e Evropës që shkuan kundër Kosovës. Kishte shumicë të fuqishme për Kosovën. Ka ende anëtare të BE-së që nuk e kanë njohur Kosovën”, tha ai.

Profesori amerikan, konsideron se situata e sigurisë në katër komunat veriore, ka mundësi përshkallëzimi të situatës. Sipas tij, Serbia po dëshiron të pengon normalizimin e marrëdhënieve.

“Këto lloj të raportimeve për stërvitje, qofshin paramilitare apo ekstremiste, Veç kemi kaluar disa momente të rrezikshme jo shumë kohë më parë, në Banjska. E dimë që ka potencial për shpërthim të dhunës. Këto lloj të raportimeve janë shumë shqetësuese. Nuk besoj që jemi duke shikuar në një situatë lufte ndërmjet Kosovës e Serbisë. Padyshim që ka akterë që mund të zgjedhin dhunën, ose të shohin dhunën si një mënyrë për të ndërprerë normalizimin duke ndikuar në mos lëvizjen para të dialogut mes Prishtinës e Beogradit.”

Ditë më parë, edhe drejtori i Policisë, Gazmend Hoxha, paralajmëroi se ka grupe të cilat janë duke u trajnuar nga Serbia për të sulmuar Policinë e Kosovës.

Më 24 shtator në Banjskë të Zveçanit, një grup paraushtarak serb, hyri përmes rrugëve ilegale dhe sulmoi Policinë e Kosovës, ku mbeti i vrarë, rreshteri Afrim Bunjaku.

Të ngjashme

111,400FansaPëlqeje
12,000NdjekësitNdjek

Të fundit