Kryetari i PDK-së, Memli Krasniqi, ka reaguar pas situatës në Veri, duke thënë se Serbia po tenton ta destabilizojë Kosovë, shkruan Scanner.
Në një postim në Facebook, ai ka thënë se pas situatës atje, kryeministri i vendit, që na flet për zhvillime prej Ukrainës e deri në Kinë, po heshtë për situatën në veri.
Postimi i plotë:
Serbia nuk duhet të kalojë në veriun e Kosovës!
Institucionet e shtetit sot janë sulmuar në komunat e veriut. Kandidatët tanë janë kërcënuar. Serbia po tenton ta destabilizojë Kosovën, ndërsa Kryeministri i vendit, që na flet për zhvillime prej Ukrainës e deri në Kinë, po heshtë për situatën në veri.
Fol Kryeministër!