Policia e Kosovës e ka identifikuar një person që po voziste 257km/h.
Ai ka pranuar kundërvajtjen dhe është dënuar ashpër nga Policia, shkruan “Jepi zë”.
Siç njoftohet, ai u dënua me 300 euro dhe iu mor leja për 3 muaj.
Njoftimi i plotë i Policisë:
Duke u bazuar në video incizimet e publikuara në rrjete sociale ku shihet shoferi duke drejtuar automjetin në Autoudhën “Ibrahim Rugova”(Mazgit drejtimi Veternik) me shpejtësi 257 km/h në zonën ku kufizimi i shpejtësisë është 120 km/h. Është arritur që të identifikohet shoferi, ku sot me date 28.01.2022 i njëjti ka pranuar kundërvajtjen dhe në prezencën e tij është shqiptuar fletëparaqitje për kundërvajtje sipas Ligjit 05/L-088 për rregullat e trafikut rrugor, neni 56 pika 2, (gjobë 300€, 3 pikë negative dhe 3 muaj i ndalohet drejtimi i mjetit me veprim motorik).