Shkuan deri në divorc në fillim të 2021, por Kim Kardashianit dhe Kanye West nuk u ndahet shpirti nga njëri – tjetri. Ata i kanë hyrë së fundi një sfide xhelozie në distancë, kush ta bëjë më tepër tjetrin xheloz.
41-vjeçarja publikoi në Instagramin e saj, këto foto me bikini të bardha në plazhet e Bahamasit, ku po kalon pushimet që prej ditëve të para të Janarit. Shkrepësi i fotove, Pit Dejvidsën, partneri i saj 13 vite më i ri, komediani i famshëm miliarder amerikan me të cilin Kardashian shoqërohet prej pak muajsh.
Pak ditë më parë, Kanye West u fiksua në fotografi nga paparacët teksa puthej publikisht me aktoren seksi italo-amerikane Xhulia Foks. U shfaq publikisht për t’a bërë xheloze ish-bashkëshorten e tij, pasi në media qarkullojnë fjalë se Kim Kardashian ka refuzuar një propozim të tij për ribashkim. Xhelozinë, West e shfaq edhe në tekstin e hitit të publikuar pak ditë më parë ‘Easy’, ku mes vargjeve kërcënon me shkelmimin e të pasmeve të Pit Dejvidsën.
