Kërkohet paraburgim për 9 zyrtarët e arrestuar për dallavere në punimet e stadiumit në Lipjan

Prokurori i Shtetit, ka kërkuar caktimin e masës së paraburgimit ndaj nëntë personave (zyrtarëve publikë) të Lipjanit për shkak të veprave penale “Keqpërdorimi i pozitës apo autoritetit zyrtar”, “Keqpërdorimi dhe mashtrimi në prokurim publik” si dhe “Mashtrimi”.

“Ju njoftojmë se Prokurori i Shtetit ka paraqitur kërkesë për caktimin e masës së paraburgimit në Gjykatën kompetente, ndaj 9 personave për shkak të veprave penale ‘Keqpërdorimi i pozitës apo autoritetit zyrtar’, ‘Keqpërdorimi dhe mashtrimi në prokurim publik’ dhe ‘Mashtrimi’, sipas KPRK-së”, thuhet në njoftim.