Mbrojtësi William Saliba e ka distancuar vetën nga Real Madridi duke sugjeruar se ndihet në shtëpi te Arsenali.
23-vjeçari është ndër qendërmbrojtësit më të mirë në botë, ndërsa që disa muaj po kërkohet me ngulm nga Real Madridi.
Sidoqoftë, “Los Blancos” nuk do ta kenë aspak të lehtë për të nënshkruar me francezin, që e ka lënë të hapur mundësinë e rinovimit me “Topçinjtë”.
“Rinovimi i mundshëm? Po, sigurisht. Ndihem si në shtëpi”.
“Kam nënshkruar kontratë para pesë viteve, por është vetëm viti i tretë këtu prandaj po shijoj gjithçka, lojtarët, stafin dhe tifozët”.
“Ndihem si në shtëpi, prandaj pse jo?”, deklaroi ai për “The Mirror”.
Saliba ndër të tjera është i sigurt se Arsenali është kandidat serioz për titull.
“Gjithçka është e mundur. Sezoni është shumë i gjatë dhe e kemi mësuar këtë që dy vite. Duhet të fokusohemi te vetja jonë, jemi vetëm në dhjetor prandaj shumë gjëra mund të ndodhin”.
Kontrata aktuale e Salibas skadon më 2027, ndërsa edhe Arsenali është i hapur për t’ia rinovuar edhe pse negociatat ende nuk janë të avancuara.
