Deputeti i PDK-së, Ardian Kastrati, ka kritikuar kryeministrin Albin Kurti për politikat e Qeverisë së Kosova. Kastrati theksoi se përderisa rritja mesatare e pagave për qytetarët ishte vetëm 6 euro e 80 cent, kryeministri Kurti, “dostit të tij” Gani Jakupi, i ka dhënë një pagë mujore prej 7500 euro.
Kastrati vuri në dukje pabarazinë, duke theksuar se rritja modeste e pagave arrin në gjithsej 7,480 euro për 1,100 qytetarë.
Ai më tej theksoi se nëse 13,200 qytetarë do të merrnin të njëjtën rritje, ajo do të ishte gjithsej afër 90,000 euro – një shumë që Kastrati thotë se ishte derdhur te Jakupi përmes parave të taksapaguesve.
“Albin Kurti i ka rrit rrogat 6 euro e 80 cent, pra 1 mijë e njëqind qytetar kur i marrin ka 6 euro e 80 cent, është baraz me 7 mijë e 480 euro në muaj. Albin Kurti vetëm dostit Gani Jakupi, prej taksave i ka dhënë 7 mijë e 500 euro në muaj. Versioni tjetër 13 mijë e 200 qytetarë kur i marrin 6 euro e 80 cent bëjnë afërisht 90 mijë euro, Gani Jakupi i ka marrë vec vet 90 mijë euro nga Albin Kurti”, tha ai.
