I jepet lamtumira e fundit nënës së deputetit të AAK-së

Sot i është dhënë lamtumira e fundit nënës së deputetit të AAK-së, Bekë Berisha.

Në ceremoninë e varrimit ka marrë pjesë edhe lideri i AAK-së, Ramush Haradinaj.

Ai ka vlerësuar se e tërë familja Berisha ishte në ballë të luftës për liri.

“I dhamë lamtumirën e fundit nënës së kolegut tonë Bekë Berisha, Xhylie Berisha. E tërë familja Berisha ishte në ballë të luftës për liri. Shtëpia e familjes Berisha ishte çerdhe për shumë luftëtarë të UÇK-së. E ndjera ishte një grua e urtë, një nënë patriotike e atdhetare e cila tërë jetën ishte e angazhuar për lirinë e Kosovës. Ngushëllime familjes atdhetare Berisha dhe miqve! U prehtë në paqe!”, ka shkruar Haradinaj në profilin e tij në “Facebook”.