Ministri i Punëve të Jashtme dhe Tregtisë së Jashtme të Hungarisë, Peter Szijarto, tha sot se Budapesti nuk do të mbështesë anëtarësimin e Kosovës në Këshillin e Evropës.
Szijarto, duke iu përgjigjur pyetjes së mediave serbe në konferencë, tha se qëndrimi i Hungarisë në lidhje me anëtarësimin e Kosovës ka qenë i qartë qysh më parë.
“Ne jemi duke u mbështetur në suksesin e dialogut ndërmjet Beogradit dhe Prishtinës, por besojmë se fakti që Kosova po aplikon për anëtarësim në organizatat ndërkombëtare nuk i kontribuon atij dialogu.
“Hungaria nuk do ta mbështesë pranimin e Kosovës në Këshillin e Evropës”, tha Szijarto.
Szijarto sot në Budapest ka takuar Ministren e Ekonomisë së Serbisë, Adrijana Mesaroviq, me të cilën ka biseduar për përmirësimin e bashkëpunimit ekonomik ndërmjet Serbisë dhe Hungarisë
