Ish-kryeministri dhe njëherit deputeti i LDK-së, Avdullah Hoti, për Ekonomia Online ka thënë se kryeministri Albin Kurti dhe ministri i Financave Hekuran Murati janë duke mashtruar me shifra, për këtë ai ka thënë se kjo qeveri nga i pari të i fundit janë mashtrues.
Ai ka thënë se Qeveria është në vitin e katër dhe merret me të kaluarën, teksa sipas Hoti, fjalori i tyre politik e kanë mbi bazë demagogjike.
“Unë nuk e ndaj atë prej pjesës tjetër të qeverisë, nga shefi i tij në Qeveri dhe të gjithë kolegët e tij në Qeveri. Mashtrues prej të parit deri tek i fundit, krejt diskursin politik e kanë mbi baza demagogjike, duke tentuar me ndërtuar narrativa të pa qenë. Vetëm duke i sharë njerëzit, je në vitin e katër të qeverisjes më nuk merresh me të kaluarën, pavarësisht se a ke pasur apo nuk ke pasur të drejtë. Tash thirresh në rezultate, mungesa e rezultateve i bënë këta njerëz mashtrues, demagog, në opinion publik.” – ka thënë ai.
