Deputeti i PDK-së, Bekim Haxhiu ka thënë se VV-ja bashkë me Kurtin vazhdimisht kërkojnë heronj që mbi gjakun e tyre të qëndrojnë në pushtet.
Në një postim të bërë në Facebook, ai tha se edhe në ditën e përkujtimit të Afrim Bunjakut, ata u përkujdesën që të bëjnë edhe video sponsorizuese të cilat siç thotë ai zbehin lavdinë e Bunjakut.
Tutje ai shkruan se pushteti bën fushatë me gjakun e Afrim Bunjakut për të qëndruar në pushtet ashtu siç vepruan me gjakun e Mon Balajt, Arben Xheladinit, Astrit Deharit.
“Ushtarët e UÇK-së kanë derdhë gjak, janë me plagë në trup nga luftimet e ashpra me Serbinë e nuk u mburrën, nuk thuren lavde si këta mjerana të LVV-së që perdorin gjakun e heronjve për poena politik”, ka shkruar mes tjerash ai.
Postimi i plotë:
LVV bashkë me Albin Kurtin, vazhdimisht kërkojnë heronj që mbi gjakun e tyre të qëndrojnë në pushtet.
Në ditën e përkujtimit të heroit Afrim Bunjaku, janë përkujdesur që të bëjnë video sponzorizuese elektorale, ku zbehin lavdinë e Afrim Bunjakut.
Si nuk kanë turp që në këtë ditë të bëjnë video për t’i linçuar oponentët politik shqiptarë?
Bëjnë fushatë me gjakun e Afrim Bunjakut për të qëndruar në pushtet ashtu siç vepruan me gjakun e Mon Balajt, Arben Xheladinit, Astrit Deharit.
Kush janë oponentët politik për të cilët po flet LVV-ja në videon linçuese?
Për luftëtarët e UÇK- së që e çliruan Kosovën dhe e shpallën shtet të pavarur?!
Ushtarët e UÇK-së kanë derdhë gjak, janë me plagë në trup nga luftimet e ashpra me Serbinë e nuk u mburrën, nuk thuren lavde si këta mjerana të LVV-së që perdorin gjakun e heronjve për poena politik.
Ne e çliruam Kosovën cep me cep dhe asnjeherë nuk bëm video kundër këtyre frikacakëve që nuk patën zemër për ta mbrojtur vendin me pushkë.
Liria e Kosovës nuk erdhi vetvetiu, erdhi falë luftës dhe sakrificës së luftëtarëve të UÇK-së, nga të cilët u frymëzua Afrim Bunjaku.
E turpshme nga ana e VV-së që vazhdon t’i përdorë dëshmorët, heronjët për poena politik, për fushatë zgjedhore.
