Ish-kryediplomatja e Kosovës, Meliza Haradinaj-Stublla, ka thënë se as Këshilli i Evropës, as NATO e as BE-ja nuk duhet të shihen si fitore nëse bëhet Asociacionit.
Ajo ka thënë se nëse Asociacioni bahet jashtë nenit 44 të Kushtetuës, e dëmton rëndë të ardhmen e Kosovës.
“Jo Këshilli i Evropës, por as NATO e BE, e aq më pak ‘njohja dejure nga Serbia’ NUK do të ishin fitore për Kosovën nëse çmimi është defunksionalizimi i saj i brendshëm përmes Asociacionit (me kompetenca jashtë nenit 44 të Kushtetutës)!”
“Secili veprim i institucioneve tona drejt themelimit të Asociacionit të pretenduar jashtë nenit 44 – madje edhe vetëm dërgimi i draftit në Kushtetuese – e dëmton rëndë jo vetëm ligjërisht, por edhe politikisht të ardhmen e Republikës së Kosovës.” – ka shkruar ajo në Facebook.
Më tej, ajo ka thënë se Kosova e ka kryer obligimin më 2015.
“Këtë obligim Kosova e ka kryer në vitin 2015, kur edhe Serbia është pajtuar me autoritetin e Gjykatës Kushtetuese të Kosovës, e cila e hodhi poshtë substancën e konceptit të këtij Asociacioni dhe udhëzoi institucionet që të implementojnë një version që nuk del jashtë nenit 44 (mes tjerash).” – ka thënë ajo.
Shkrimi i saj:
