Volodymyr Zelensky është Winston Churchill i epokës sonë”, këto janë fjalët e presidentit të 43-të të SHBA-ve George W.Bush për presidentin ukrainas.
Volodymyr Zelensky zhvilloi mëngjesin e së premtes një bisedë nëpërmjet një video mesazhi me George Bush.
“Kam pasur privilegjin të kaloj disa minuta duke folur me Presidentin Zelensky, Winston Churchill-in e ditëve moderne këtë mëngjes. Falënderova presidentin për udhëheqjen e tij, shembullin e tij dhe përkushtimin e tij për liri dhe duartrokita guximin e popullit ukrainas ”, shkroi Bush në Instagram.
Ndër të tjera Bush tha se presidenti Zelensky e siguroi atë se Ukraina “nuk do të lëkundet në luftën e saj kundër barbarizmit dhe sjelljes prej banditi të Putinit”.
“Amerikanët janë të frymëzuar nga forca dhe qëndrueshmëria e tyre. Ne do të vazhdojmë të qëndrojmë me ukrainasit ndërsa ata ngrihen për lirinë e tyre”, tha George Bush./abcews.al/
