- Advertisement -
Komuna e Prishtinës dhe Ministria e Mbrojtjes kanë nënshkruar një marrëveshje bashkëpunimi për ofrimin e mbështetjes teknike nga kjo e fundit, përmes njësive të FSK-së, në realizimin e aktiviteteve të komunës për largimin e materialeve, të cilat përmbajnë azbest.
Ky material konsiderohet që është kancerogjen.
“Në vete përmban mikrofije shumë të vogla, të cilat kur ka shi, borë ose erë kalojnë në atmosferë. Për shkak që kanë dimensione të vogla, ato kalojnë në sistemin e frymëmarrjes”, ka thënë profesori i kimisë, Ilir Shehu.
Me marrëveshjen e arritur me Forcën e Sigurisë së Kosovës, komuna e Prishtinës do të bëjë pastrimin e zonave që kanë këtë përmbajtje, me fokus në afërsi të shkollave.
