Analisti Lulzim Peci në emisionin “Click”, duke folur për paralajmërimin për formimin e xhandarmërisë, tha se proklamimi i kësaj tani për tani është fushatë.
“Aspolutisht është për fushatë zgjedhore, krejt kjo punë është për fushatë zgjedhore”, tha Peci.
Sipas tij, ministri në detyrë nuk ka kapacitet ligjor të bërjes së politikave të reja.
“Ashiqare për fushatë zgjedhore, që të bjen edhe komplikime politike”, u shpreh ai.
Peci thotë se drejtori i policisë duhet të raportojë lidhur me dërgimin e Njësisë Speciale në Skenderaj
Analisti Lulzim Peci, lidhur me dërgimin e Njësisë Speciale në Skenderaj, në emisionin “Click” në RTV21 tha se në legjislaturën e ardhshme të Kuvendit, për këtë çështje duhet të ketë dëgjim në Komisionin për Siguri për drejtorin e policisë.
“I cili duhet të ketë obligim që t’i njoftojë deputetët për krejt detajet e këtij operacioni”, tha ai.
“Këtu çështja kyçe është se çfarë informacioni ata kanë pasur që mund të bëhet në Skenderaj nëse do të ndodhë që do të eskalojë situata dhe a ka qenë real ai informacion apo jo”, u shpreh Peci.
Tutje, ai krahasoi kohën kur anëtarët e Lëvizja Vetëvendosje ushtronin dhunë ndaj policisë në protesta në Prishtinë, duke thënë se në Skenderaj nuk kishte diçka të tillë, pasi që qytetarët vetëm ishin mbledhur aty.
