Fitore vendimtare e Cityt, një hap larg titullit të katërt radhazi

Manchester City e ka fituar ndeshjen vendimtare ndaj Tottenham Hotspursave për t’iu afruar së tepërmi titullit të katërt me radhë të Premier Ligës, si asnjë klub më parë në Angli.

Dy golat e Erling Haalandit në minutat 51’ dhe 90+1’ e vënë Cityn si top favorit për titull një javë para fundit.

Qytetarët po udhëheqin me dy pikë ndaj Arsenalit kur ka mbetur vetëm edhe një javë deri në fund të kampionatit.

Ata të dielën e presin në shtëpi West Ham Unitedin, teksa Arsenali Evertonin.