Sot janë bërë dy vjet nga fillimi i procesit gjyqësor të ish-presidentit Hashim Thaçi dhe bashkëluftëtarëve të tij në Dhomat e Specializuara të Hagës.
Megjithëse, janë bërë më shumë se katër vjet që nga qëndrimi i tyre në paraburgim.
Abelard Tahiri nga PDK-ja, thotë se është i bindur që ish-krerët e UÇK-së dhe bashkëluftëtarë të tjerë do të dalin triumfues.
“Duke besuar thellësisht në të drejtën tonë si popull për liri dhe pavarësi, në luftën e drejtë të Ushtrisë Çlirimtare të Kosovës, si dhe në pafajësinë e tyre, jemi të bindur se ata do të dalin triumfues dhe, bashkë me ta, do të ngadhënjejë edhe e vërteta historike e popullit tonë”, ka shkruar ai në Facebook.
Postimi i plotë:
Sot bëhen dy vite nga fillimi i procesit gjyqësor ndaj Presidentit Hashim Thaçi dhe bashkëluftëtarëve të tij në Dhomat e Specializuara, ndërkohë që qëndrimi i tyre ne paraburgim ka kaluar tashmë katër vite.
Duke besuar thellësisht në të drejtën tonë si popull për liri dhe pavarësi, në luftën e drejtë të Ushtrisë Çlirimtare të Kosovës, si dhe në pafajësinë e tyre, jemi të bindur se ata do të dalin triumfues dhe, bashkë me ta, do të ngadhënjejë edhe e vërteta historike e popullit tonë🇽🇰🇦🇱
