Dy gra janë sulmuar nga qentë endacakë sonte në qendrën e qytetit të Gjilanit.
Kështu ka njoftuar ish-drejtoresha e Shëndetësisë së këtij qyteti, Aurorë Osmani e cila tregoi se në momentin e sulmit ishte me vajzën e vogël dhe një shoqe të saj shtatzënë.
Përmes një postimi në Facebook, Osmani thotë se ky përjetim ishte një episod frike.
“Dhe ky nuk është thjesht një status, por një reagim emocional i shkaktuar nga një sulm i qenve endacakë.Nuk ishte vetëm një – ishin më shumë se katër, që lehnin dhe vërsuleshin. Nuk isha vetëm. Frika ishte e trefishtë, sepse isha me vajzën time të vogël në karrocë, me shoqen time shtatzënë, dhe normalisht, edhe vetë u frikësova. E gjithë kjo ndodhi sonte, rreth orës 20:00, në qendër të qytetit.
“Frikë!
Ikje!
Shikime!
Rrugë të prishura… Karroca mbeti në trotuar, e unë me vajzën në krah.
Ky përjetim ishte një episod frike sot, por për dikë tjetër nesër mund të mos mbetet vetëm kaq”, shkroi ajo në Facebook,
