Diamantet mund të jenë të përjetshme, por jo kur bëhet fjalë për importet nga Rusia në Bashkimin Evropian.
Rusia është prodhuesi më i madh i diamanteve të papërpunuara të prera nga qindra miniera nën permafrostin siberian, nga ku vjen një e treta e furnizimit me diamant në botë.
Tani Komisioni Evropian ka propozuar shtrirjen ndaj diamantit një sërë sanksionesh të vendosura ndaj Rusisë, që nga pushtimi i saj në shkallë të plotë të Ukrainës.
Masa është pjesë e raundit të 12-të të masave të BE-së kundër Moskës, që do të hyjë në fuqi në janar. Ai është i lidhur me G7, i cili po diskuton gjithashtu një ndalim.
Që nga viti 2022, sanksionet e BE-së kanë përfshirë qymyrin, gazin, arin, vodkën dhe madje edhe havjarin rus. Por diamantet e nxjerra në veri-lindje të Rusisë përdoren ende në unazat e fejesës, gjerdanët dhe vathët në të gjithë botën.
BE-ja e ka shmangur deri më tani një ndalim, kryesisht për shkak se Belgjika ka qenë e prirë të mbrojë qytetin e Antwerp: kryeqyteti i diamantit në botë.
