Detaje nga aksidenti tragjik në Itali që i mori jetën të riut nga Vitia

I riu 19-vjeçar nga fshati Ramjan i Vitisë, Dion Emërllahu, ka vdekur të premten pas plagëve të marra nga një aksident i rëndë në Itali, i ndodhur më 21 korrik.

Lajmin e ka bërë të ditur faqja e fshatit Ramjan, ku thuhet se Emërllahu ishte nisur nga Franca për të ardhur në Kosovë, bashkë me familje.

Ndërkaq, sipas mediumit “BresciaToday“, që kishte raportuar mbi aksidentin që i mori jetën të riut kosovar, Emërllahu ishte përplasur me një kamion teksa po drejtonte një furgon.

Aksidenti ndodhi me 21 korrik në autostradën A4 pranë Calcinatellos duke shkuar drejt Veronës.