- Advertisement -
Chelsea ka vazhduar me formën e jashtëzakonshme, duke triumfuar bindshëm në shtëpi ndaj Aston Villas.
“Blutë” i arkëtuan pikët e plota me një fitore komode 3:0 midis “Stamford Bridge”.
Nicolas Jackson pas vetëm shtatë minutave lojë i dha epërsinë Chelseas me një gol nga afërsia.
Ndërsa, ishte mesfushori Enzo Fernandez që dyfishoi avantazhin pas një asistimi të bukur të Cole Palmer (36’).
Chelsea vazhdoi të dominojë në përgjithësi dhe fitoren e vulosi Palmer në fund me një eurogol, goditje e cila e la portierin kundërshtar të shtangur (83’).
Pas kësaj fitore, Chelsea renditet në pozitën e tretë me 25 pikë kurse Villa qëndron në vendin e 12-të me 19 sosh.
