Presidenti i UEFA-s, Aleksander Ceferin, ka përjashtuar mundësinë e kandidimit për president të FIFA-s, por ka paralajmëruar se Gianni Infantino mund të përballet me një sfidë në zgjedhjet e marsit.
Ceferin tha se nuk është i interesuar për postin e kreut të FIFA-s, duke theksuar se dëshiron të vazhdojë punën në UEFA dhe se synon të ketë më shumë kohë për jetën personale.
Ndërkohë, Infantino po përballet me presion lidhur me planet e diskutueshme për sigurimin e investimeve private në turnetë e FIFA-s.
Disa konfederata kontinentale e kanë kritikuar ashpër, ndërsa UEFA më herët kishte paralajmëruar edhe bojkot.
Ceferin tha se Infantino ka dy mundësi: ose të kuptojë se nuk ka mbështetjen e nevojshme dhe të largohet, ose të garojë në zgjedhjet e marsit.
“Nëse shkon në zgjedhjet e marsit, mendoj se do të ketë një kandidat kundër tij. Nuk e di ende se kush”, tha Ceferin.
Ai gjithashtu bëri të ditur se nuk ka folur me Infantinon që nga fillimi i polemikave.
