Buja: Nga 21 qershori 1999 UÇK-ja nuk kishte armë dhe nga shtatori u transformua në TMK, si mund të pretendohet që vrau dikë

Ish-komandanti i UÇK-së, Shukri Buja, ka thënë se më 21 qershor 1999 ishte arritur marrëveshje për çarmatosjen e UÇK-së.

Ai ka thënë se pas kësaj UÇK-ja nuk kishte armë, përpos eprorëve që mbanin ato me leje të KFOR-it.

Në shtator të atij viti, Buja tha se UÇK-ja ishte transformuar në TMK, dhe më nuk ka pasur struktura.

Kështu ai ka thënë se UÇK-ja nuk mund të akuzohet për vrasje.

“Më 21 qershor UÇK-ja më nuk ka pas armë, nëse pretendohet që ka vrarë dikë atëherë vetëm individë që kanë pasur armë ilegale. Më 21 është nënshkru marrëveshje e çarmatosjes së UÇK-së, ne eprorët e UÇK-së kemi pasur të drejtë të mbajmë armë me leje të KFOR-it”, ka thënë ai në Pressing në T7.