Bilcik për dialogun: Topi është në duart e Kosovës, ta zhbllokojë procesin për themelimin e Asociacionit

Raportuesi për Serbinë në Parlamentin Evropian, Vladimir Bilcik ka deklaruar se topi është në duart e Prishtinës sa i përket dialogut mes dy vendeve.

Në një intervistë për “Demostat”, ai citohet të ketë thënë që në këto momente, topi është në duart e Kosovës dhe se duhet të zhbllokohet procesi që sjell formimin e Asociacionit të Komunave me Shumicë Serbe.

“Siç kam thënë më herët, topi është në duart e Prishtinës në këto momente. Prishtina duhet ta zhbllokojë procesin që sjell formimin e Asociacionit, po ashtu të bashkëpunojë në gjetjen e një zgjidhje praktike, në mënyrë që të mbahen zgjedhjet në veri.” – ka deklaruar ai.