Ylli portugez i futbollit, Bernardo Silva, ka shprehur respekt të madh për Luka Modriqin, duke e shpallur kapitenin e kombëtares kroate lojtarin më të mirë kundër të cilit ka luajtur ndonjëherë.
Mesfushori i Manchester Cityt dhe Portugalisë, i cili do të largohet nga klubi anglez në fund të sezonit, e ka veçuar Modriqin në një intervistë me prestigjiozen The Athletic.
Kur u pyet për kundërshtarin më të mirë që është përballur në fushë, Silva u përgjigj pa hezitim: “Luka Modriq është futbollisti më i mirë kundër të cilit kam luajtur”.
Kjo lëvdatë ka një peshë të veçantë duke pasur parasysh se Silva ka luftuar kundër shumë legjendave të futbollit gjatë karrierës së tij të shkëlqyer, përfshirë Lionel Messin dhe Neymarin. Pavarësisht kësaj, lojtari portugez e veçoi Modriqin si kundërshtarin që i bëri më shumë përshtypje.
